In de Nacht
Ref:
Die meischde Leid - wer´n vun de Nacht , umgebracht.
Die Seel die dich queelt – die nie verzehlt.
De Geischd der dich treibd , der dich eiverleibd.
De schale Geschmag , der nie verweht - nie vun dir geht.
1.Str.
Die Gedange die sich in mer drehn , die niemols geh´n.
Die Presenz – in moim Herz, immer voller Schmerz.
De Bligg zurig – nur eh Stick vum kläne Gligg
Kann ich dich fasse - oder nie vun dir lasse.
2.Str.
Die Liewe die mich quält , nur vun dir verzähld.
Des isch de Stoff , der mich am Lewe häld.
Die Ache zu – die Händ leer , bekumm ich nid mehr?
Die Nachd begind , die Ache groß – was denk ich jetzt bloss?
