In die Ewischkeid
Isch bin grad uffgewachd – schnell en Kaffe in de Kopp
Schnell Klamotte ôh – des langd ma imma noch
Die Abaid ruufd isch heer’se – isch bin schun widda schbeed
Schnell uff die Maschien – unn dann zeig isch Ma was geht.
Die Kurve die sinn’s Beschde – die verschaffe ma de Kick
isch schaff’se imma schnella do kummschde nimmi mid
Plötzlich macht’s ‚’n Rums unn die Lischda gehe aus!
- Unn isch bin uff em Weg – nach Haus!
Ref:
S’ Lewe geht noch weiter – ‘s iss noch ned vorbei
Mir lewe in die Ewischkeid – un sinn dann endlich frei
Mir lewe ohne Ende, ohne Zeit un Dimension
||: ’S fangd grad ärschd rischdisch ôh :||
Aus’m Lewe rausgerisse – in e Neues nai
Jetzt wäd alles anaschd - un mir sinn mit dabei
Mir lewe ohne Ende, ohne Zeit un Dimension
||: ’S fangd grad ärschd rischdisch ôh :||
Mir sinn zusamme esse - unn hawwe widda Spaß
Unser Witze sinn makaba – Marke Extra Grass
Môi Freunde kenn isch ewisch – die sinn schun imma do
Mir ware aa schun traurisch awwa meischdens simma froh
De Owend wäd schun schbeeda – die Äschde gehe schun
Annre bleiwe länga – die warte uff die Sunn
De Kopp is noch verkaatert ich wär vum Telefon geweckt
Scheiße – schlechte Nachricht – Schun widda änna weg!
